Sími 441 4800

Fréttir og tilkynningar

Skólasetning 2016 - 15.8.2016

Smáraskóli verður settur mánudaginn 22. ágúst.  Við hlökkum mikið til að hitta ykkur aftur og vonum að þið hafið notið sumarsins. 

Nemendur í 2. - 5. bekk mæta kl. 9:00
Nemendur í 6. - 10. bekk mæta kl. 10:00. 

Nemendur í 1. bekk mæta í viðtöl til umjónarkennara ásamt foreldrum mánudaginn 22. ágúst.  Boðað er til þeirra símleiðis þar sem nánari tímasetning hvers og eins kemur fram. 

Kennsla hefst svo samkvæmt stundaskrá þriðjudaginn 23. ágúst hjá nemendum í 1. – 10. bekk. 



UNICEF-hreyfingin í Smáraskóla - 11.7.2016

Samtals söfnuðu nemendur Smáraskóla með þátttöku í UNICEF-hreyfingunni í byrjun júní síðastliðnum 167.264 krónum. Það er frábær árangur!








Fyrir þann pening getur UNICEF til dæmis:

  • Keypt 6.935 skammta af bóluefni gegn mænusótt

  • Keypt námsgögn fyrir 2.569 börn

  • Keypt 2.763 poka af jarðhnetumauki. Jarðhnetumaukið fá börn sem eru vannærð. Oftast þurfa þau ekki meira en 3 poka á dag í nokkrar vikur til að ná fullum bata.

  • Keypt 6 skóla í kassa. Skóli í kassa er stálkassi með öllum nauðsynlegum námsgögnum sem þarf fyrir eina kennslustofu.

  • Keypt 3 vatnsdælur sem geta skipt sköpum fyrir samfélög þar sem langt þarf að fara til að sækja vatn. Börn eru oft sett í slík verk og komast því ekki í skóla. Vatnsdælur geta því skipt miklu máli fyrir börn og nám þeirra.

 Eins og sjá má getur sá peningur sem krakkarnir okkar söfnuðu gert ansi mikið! Margt smátt gerir svo sannarlega eitt stórt!! 

Skólaslit og útskriftarhátíð vorið 2016 - 25.5.2016

Skólaslit Smáraskóla verða miðvikudaginn 8. júní.  Nemendur í 1. - 5. bekk mæta kl. 9:00 og nemendur í 6. - 9. bekk kl. 10:00.

Nemendur í 10. bekk verða útskrifaðir frá skólanum við hátíðlega athöfn þriðjudaginn 7. júní kl. 17:00. 

Aðalfundur Foreldrafélags Smáraskóla verður haldinn í skólanum miðvikudaginn 25.maí kl. 17.15. - 18.5.2016

Í framhaldi af fundinum býður Foreldrafélagið og Smáraskóli foreldrum og forráðamönnum uppá námskeið/fyrirlestur sem fjallar um kvíða barna og unglinga. Á fyrirlestrinum er fjallað um eðli og einkenni kvíða, helstu kvíðaraskanir og æskileg viðbrögð við kvíða barna og unglinga. Fyrirlesari er Berglind Brynjólfsdóttir sálfræðingur en hún hefur haldið námskeið um kvíða barna hjá endurmenntun Háskóla Íslands við góðan orðstír bæði fyrir foreldra sem eru að fást við kvíða barna sinna sem og þeirra sem ekki hafa upplifað slíkt. Við hvetjum alla til að taka frá tíma og láta sér þetta þarfa málefni varða. 

Við viljum við hvetja foreldra til að sækja aðalfund félagsins. Einhverjir stjórnarmenn ætla að láta af störfum eftir nokkurra ára ánægjulega stjórnarsetu og væri gaman að fá fleiri áhugasama foreldra í stjórnina. Stjórnin er skipuð 5 aðilum og 2 til vara. Starfið er gefandi og skemmtilegt og eflir tengingar við aðra foreldra, skólann og hverfið (vinnuálag er ekki mikið ).

Hlökkum til að sjá sem flesta -  vonandi fullan sal af áhugasömum foreldrum!

Kveðja,

Stjórn Foreldrafélgs Smáraskóla

 

Fréttasafn


Atburðir framundan

Engin grein fannst.