Sími 441 4800

Fréttir og tilkynningar

Hádegismatur - 18.8.2017

Kópavogsbær hefur samið við Skólaask (ISS) um framreiðslu á hádegismat fyrir nemendur og starfsfólk. Maturinn er forunninn í höfuðstöðvum fyrirtækisins og kemur tilbúinn til eldunar í eldhúsi Smáraskóla. Starfsmaður ISS sér um allt er viðkemur meðhöndlun og afgreiðslu matarins og er foreldrum bent á að hafa samband við hann í gegnum skrifstofu skólans. Allar nánari upplýsingar um fyrirtækið og pantanir er að finna á heimasíðu þess https://skolaaskur.is

Skólasetning 2017 - 16.8.2017

Nemendur Smáraskóla mæta á skólasetningu þriðjudaginn 22. ágúst sem hér segir:

Nemendur í 2.-5. bekk mæta kl. 9:00 í sal skólans

Nemendur í 6.-10. bekk mæta kl. 10:00 í sal skólans.

Haft verður sambandi við foreldra nemenda 1. bekkjar og þeir boðaðir í einstaklingssamtöl 22. ágúst.

Í framhaldi af skólasetningu fara nemendur í stofur og ræða við umsjónarkennara en kennsla hefst samkvæmt stundaskrá miðvikudaginn 23. ágúst.

Öllum nýjum nemendum skólans (öðrum en nemendum 1. bekkjar) er boðið að koma í heimsókn mánudaginn 21. ágúst kl. 13:00 til að hitta umsjónarkennara og ganga um skólahúsnæði.

Starfsemi dægradvalar hefst miðvikudaginn 23. ágúst en sækja þarf um í íbúagátt Kópavogsbæjar fyrir 20.ágúst.

Skólabyrjun haust 2017 - 15.8.2017

Kæru foreldrar/forráðamenn.

Nú styttist í skólabyrjun og fólk farið að velta fyrir sér innkaupalistum fyrir námsgöng nemenda. Sú ákvörðun hefur verið tekin að gefa ekki út sérstaka innkaupalista fyrir nemendur í Smáraskóla.

Gert er ráð fyrir því að nemendur í 8. - 10. sjái alfarið um að vera með þau gögn sem þau þurfa s.s. stílabækur, blýanta, strokleður, penna, plastmöppur fyrir lotur í íslensku o.s.frv.

Varðandi 5. - 7. bekk mun skólinn kaupa inn stílabækur, reikningsbækur, möppur og önnur gögn fyrir utan ritföng, skæri og reglustikur. Nemendur kaupa þau gögn eftir þörfum. Um að gera að nýta það sem til er.

Fyrir 1. - 4. bekk mun skólinn kaupa öll þau gögn sem nemendur þurfa á að halda yfir skólaárið.

Skólinn sér um innkaupin í góðri samvinnu við foreldrafélagið gegn vægu gjaldi sem foreldrar greiða. Foreldrafélagið mun sjá um innheimtuna.

Þessar breytingar á innkaupum koma til bæði vegna innleiðingar á spjaldtölvum sem og að auka nýtni og draga úr sóun í samræmi við áherslur í umhverfismálum.

Eins og áður munu foreldrar sjá um kaup á íþrótta- og sundfatnaði ásamt skólatösku, en auk þess þurfa nemendur heyrnatól.

Skólaslit Smáraskóla 2016-2017 - 2.6.2017

Skólaslit Smáraskóla verða sem hér segir:

Þriðjudaginn 6. júní kl. 17.00 10. bekkur
Miðvikudaginn 7. júní kl. 9.00. 1.-4. bekkir
Miðvikudaginn 7. júní kl. 10.00. 5.-9. bekkir
Foreldrar velkomnir.

Páskafrí. - 7.4.2017

Nú nálgast páskarnir og síðasti kennsludagur fyrir páska er föstudagurinn 7. apríl. Kennsla hefst aftur samkvæmt stundaskrá þriðjudaginn 18. apríl. Fimmtudagurinn 20. apríl er sumardagurinn fyrsti og þá er einnig frí í skólum. Vonumst til þess að þið hafið það gott um páskana.

The last day of school before Easter is today, Friday April 7th. School will resume as normal on Tuesday, April 18th. Thursday April 20th is the first day of summer and is a public holiday. There will be no school on that day. We wish all our students and their families a happy Easter and pleasant holidays.

Með góðri páskakveðju, starfsfólk Smáraskóla.

Fréttasafn


Atburðir framundan

Engin grein fannst.